شات ومنتدى الكتاب المقدس

شات ومنتدى الكتاب المقدس
 
الرئيسيةاليوميةس .و .جبحـثالمجموعاتالتسجيلدخول

شاطر | 
 

 ليه يارب عملت كده؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mena love
اٍلمٍـٍشٍـٍرٍفٍـٍوٍنٍ
اٍلمٍـٍشٍـٍرٍفٍـٍوٍنٍ
avatar

عدد المساهمات : 32
تاريخ التسجيل : 05/03/2010

مُساهمةموضوع: ليه يارب عملت كده؟؟؟؟؟   الأربعاء 17 مارس 2010, 3:43 am


الاول الزمت التلاميذ انهم يدخلوا السفينه وحدهم وانت عارف ان البحر هيهيج عليهم وان الامواج هتعذبهم!
وبعد كده كمان تركتهم من المساء معذبين فى وسط البحر بيصارعوا الامواج
ولم تذهب اليهم الا فى
الهزيع الرابع!!!
ليه يارب تركتهم كل الوقت الطويل ده وليه مرحتش ليهم من الاول وهما أكيد كانوا بيصرخوا ليك ومحتاجينك
قووووووى!!!


ليه يارب ؟انا عايز اعرف عشان انا كمان زيهم سفينه حياتى فى وسط البحر معذبه من امواج الضيقات و التجارب
وانت يارب شايفنى من المساء و انا بناديللك وانت برضوا سايبنى وبتتأخر عليا!!
ليييييييييييه؟؟؟

وانت كنت عارف كمان يارب من البدايه انى هتعب ومع ذلك الزمتنى انى ادخل بالسفينه فى وسط البحر وانا ضعيف قوى يارب وسفينتى مش هتقدر
على الامواج و الرياح .....
.بتتأخر ليه يارب؟؟؟
ليييييييييه؟؟؟


جاوبنى انا تعبااااااااااااااااااااااااان اوى


حبيبى ....
أنا لم اتركك ابداً انا سبتك تدخل فى وسط البحر و انا عارف انك هتتعب
علشان اعلمك حاجات مهمه قوى....
اول حاجه انك تتعلم الصلاه ..تتعلم تندهلى وتكلمنى بعد ما تتعب من كتر مانديت الناس و محدش سمعك فتعرف انك لازم تتكلم معايا انا
ومش بس كده لا ..
انا كمان عايزك تتعلم اللجاجه فى الصلاه تتعلم انك
تفضل تصلى و تطلب بلجاجه حتى لو اتأخرت عليك وتكون واثق انى سامعك
ولا تنسى "صلوا كل حين ولا تملوا "
تانى حاجه عايز اعلمهالك
هى الجهاد لازم ياحبيبى تتعلم انك تجاهد وتصارع كل الضيقات وتتعلم انك لازم تعمل كل اللى عليك ومتستسلمش لازم تبقى قوى وتصبر وتطلبنى.
وانت واثق انى هقويك وانك تجاهد وتنتصر كمان


وتالت حاجه ياحبيبى
عايزك تتعلم انك تحس باللى حواليك
وانت مش هتحس بيهم إلا اذا انت كمان مريت بضيقات و آلام زيهم
وقتها بس هتعرف هما تعبانين قد ايه و تعرف تساعدهم و تقويهم عشان انت كنت زيهم

وأخر حاجه ياحبيبى
عايز اخليك تشوفنى وانا جايلك ماشى على المياه فوق كل الامواج اللى تعباك
عايزك تشوف يدى القويه و عجائبى اللى مكنش ممكن تشوفها غير لو عديت فى البحر الهايج
فتعلم وتثق انى انا الوحيد القادر على انقاذك مهما كان اللى انت فيه فكل قوى العالم لن تقوى عليك وانت معايا.
عشان كده ياحبيبى انا اتأخرت بس عايز اطمنك ان عينى دايما عليك وايدى بتحافظ عليك حتى وانت دلوقتى فى وسط الضيقات
لا تخف تشدد وتشجع انا معك فقط اطلبنى و انتظرنى لانى سأتى اليك

الرجوع الى أعلى الصفحة اذهب الى الأسفل
KERO
آلمـ'ـديـ'ـرٍٍ آلعـ'ـآم
آلمـ'ـديـ'ـرٍٍ  آلعـ'ـآم
avatar

عدد المساهمات : 157
تاريخ التسجيل : 10/07/2009
العمر : 27

مُساهمةموضوع: رد: ليه يارب عملت كده؟؟؟؟؟   الخميس 18 مارس 2010, 10:14 pm

الرجوع الى أعلى الصفحة اذهب الى الأسفل
 
ليه يارب عملت كده؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شات ومنتدى الكتاب المقدس :: منتدى الارشاد الروحى :: القصص والعبر لحياتنا الروحية-
انتقل الى: